Anxo Moure vive en Garabelos, unha pequena aldea á sombra das montañas da Serra do Faro, e non moi lonxe do río Miño. Enriba dun castiñeiro e un carballo, na Casa das Árbores. Esta casiña é un lugar de lecer, onde escoitar os contos que viven nas árbores. Un lugar para coñecer a Graciano Zoqueiro, trasniño Gaiteiro, que anda na procura da música das árbores e a quen vós podedes axudar. Un contacontos moi particular.
O Centro Interpretación Ambiental de Compostela (CIAC) está localizado no Parque de Belvís no edificio dun antigo curtidoiro. O CIAC quere ser un espazo aberto á participación ambiental da cidadanía, e conta con recursos didácticos e actividades que axudan a comprender mellor a relación entre a cidade e o seu medio ambiente. Búscanos no facebook -CIACBelvis- e na nosa web: http://www.ciac-compostela.org. Agardámoste!
